Gürcüstan, Tbilisi, 2 mart /Trend, müxbir N.Kirsxaliya/
Gürcüstan Neft və Qaz Korporasiyası (GNQK) Qırmızı körpü-Saquramo magistral qaz kəmərinin 30 kilometrlik hissəsinin tikintisi üzrə beynəlxalq tender elan edib.
GNQK-dan Trend-ə verilən məlumata görə, tenderdə iştirak etmək istəyənlər təkliflərini martın 22-dək təqdim etməlidirlər.
Qaz kəmərinin həmin hissəsinin tikintisi üçün 18 milyon lari (1 dollar = 1,73 lari) ayrılıb.
80 kilometrlik Qırmızı körpü (Azərbaycanla sərhəd) - Saquramo qaz kəməri enerjidaşıyıcıların nəqlinin şaxələndirilməsi məqsədilə tikilir. Əvvəllər bu layihə çərçivəsində qaz kəmərinin 30 və 10 kilometrlik Qardabani-Navtluqi hissəsi inşa edilib.
Fevralın 25 -də GNQK həmin qaz kəmərinin 10 kilometrlik hissəsinin tikintisi üzrə də tender elan edib.