Azərbaycan, Bakı, 18 aprel /Trend/
Zaqatala və Balakən rayonlarının qaz təchizatında məhdudiyyətlər olacaq.
Trend ARDNŞ-nin rəsmi saytına istinadən məlumat verir ki, təmir işləri ilə əlaqədar olaraq 19 aprel 2012-ci il tarixdə saat 10:00-dan 18:00-dək "Yevlax-Balakən" magistral qaz kəmərindən təbii qaz təchizatı dayandırılacaq.
Təmir işləri aparılan müddətdə Zaqatala və Balakən rayonlarının kənd və qəsəbələrinə təbii qazın verilişində fasilələr yaranacaq.