Azərbaycan, Bakı, 6 avqust /Trend, müxbir E.İsmayılov/
Qazın vurulması mövsümünün başlamasından etibarən Azərbaycan Respublikası Dövlət Neft Şirkəti (ARDNŞ) tərəfindən Azərbaycanın yeraltı qaz anbarlarına 1,41 milyard kubmetrdən çox qaz vurulub. Bu barədə Trend-ə bazar ertəsi ARDNŞ-dəki mənbə deyib.
Azərbaycan ərazisində iki - "Qalmaz" və "Qaradağ" yeraltı qaz anbarı var.
Onun sözlərinə görə, vurulan qazın ümumi həcmindən təqribən 834,55 milyon kubmetrə yaxını "Qaradağ" qaz anbarının, 588,94 milyon kubmetr isə "Qalmaz" qaz anbarının payına düşür.
Hazırda ölkənin yeraltı qaz anbarlarında qazın həcmi təqribən 2,6 milyard kubmetr təşkil edir. Bu həcmdən 1,42 milyard kubmetr "Qaradağ", 1,18 milyard kubmetr isə "Qalmaz" yeraltı qaz anbarının payına düşür.
Yeraltı qaz anbarlarına vurulan qazın sutkalıq həcmi 12,3 milyon kubmetri üstələyir.
