Azərbaycan, Bakı, 18 mart/Trend, müxbir E. İsmayılov/
Azərbaycan Respublikası Dövlət Neft Şirkətinin (ARDNŞ) treydinq qurumu olan "Socar Trading" Böyük Britaniyanın "Gasol" şirkətilə 1 milyon dollar həcmində təmin edilməmiş, konvertasiya edilən kreditin verilməsinə dair saziş imzalayıb. Bu barədə Trend bazar ertəsi "Gasol"un rəsmi saytına istinadən məlumat verir.
Sazişə əsasən, "Socar Trading" Benində (Qərbi Afrika) maye qazın qəbulu üzrə terminalın tikintisi ilə bağlı strateji alyans çərçivəsində "Gasol" şirkətinə kredit verəcək. Kredit vəsaiti "Gasol" dövriyyə kapitalının saxlanılması üçün nəzərdə tutulub.
"Gasol"un məlumatında deyilir ki, imzalanan kredit sazişi illik 4 faiz dərəcəsi ilə iki il müddətinə kreditin verilməsini nəzərdə tutur.