Azərbaycan, Bakı, 22 aprel /Trend, müxbir E.İsmayılov/
Bu il aprelin 22-nə olan məlumata görə, Azərbaycan əhalisinə verilən qazın sutkalıq həcmi 15 milyon kubmetr təşkil edir. Martın 27-nə isə bu göstərici 16,6 milyon kubmetr olub. Bu barədə bazar ertəsi Trend-ə Azərbaycan Respublikası Dövlət Neft Şirkətindəki (ARDNŞ) mənbə bildirib.
ARDNŞ-dən bildiriblər ki, hava şəraitinin getdikcə yaxşılaşması səbəbindən ölkə üzrə qaz istehlakı azalır. Xüsusilə, Bakı üzrə bu göstərici sutkada 9 milyon kubmetr təşkil edir.
"Ölkə bölgələrinin payına isə 6 milyon kubmetr qaz düşür", - ARDNŞ-dən qeyd ediblər.
