Azərbaycan, Bakı, 10 may /Trend/
2013-cü ilin aprel ayı ərzində Bakı-Tbilisi-Ceyhan (BTC) əsas ixrac boru kəməri vasitəsilə 2 milyon 427 min 650 ton Azərbaycan nefti nəql olunub.
Trend ARDNŞ-nin rəsmi saytına istinadən məlumat verir ki, cari ilin yanvar-aprel aylarında bu kəmərlə 9 milyon 771 min 412 ton neft ötürülüb. Ümumiyyətlə, kəmər istifadəyə verilən gündən 2013-cü il may ayının 1-ə qədər BTC-yə 215 milyon 223 min 226 ton neft vurulub.
Bundan başqa, cari ilin aprel ayında BTC kəməri ilə 269 min 618 ton Türkmənistan nefti nəql olunub.