...

ARDNŞ və "Statoil" Xəzərdə iki yatağın birgə işlənməsi imkanlarını araşdırırlar

Energetika Materials 3 İyun 2014 14:42

Trend-i buradan izləyin

Azərbaycan, Bakı, 3 iyun /Trend, müxbir E.İsmayılov/

ARDNŞ (Azərbaycan Respublikası Dövlət Neft Şirkəti) və Norveçin "Statoil" dövlət şirkəti Xəzərdəki "Əşrəfi" və "Qarabağ" yataqlarının birgə işlənməsi imkanlarını araşdırırlar. Trend-in məlumatına görə, bu barədə çərşənbə axşamı ARDNŞ-dəki mənbə məlumat verib.

Mənbə deyib: "Hazırda həmin yataqların birgə işlənməsi imkanları öyrənilir".

1997-ci ildə ARDNŞ (20 faiz), BР (30 faiz), "Unocal" (25,5 faiz), "Itochu" (20 faiz) и "Delta HESS" (4,5 faiz) arasında "Əşrəfi" - "Dan Ulduzu" struktur blokunun işlənməsinə dair müqavilə 2000-ci il martın 7-də öz hüquqi qüvvəsini itirib. "Əşrəfi"də təxminən 20-40 milyon ton həcmində karbohidrogen ehtiyatalrı aşkar edilib. "Əşrəfi" Abşeron arxipelaqından şimalda, Bakıdan 105 kilometr şimal-şərqdə yerləşir.

2000-ci ildə kəşf edilən "Qarabağ" neft-qaz yatağı Bakıdan 130 km şərqdə yerləşir. Yataqda dənizin dərinliyi 250-450 metr diapozonunda dəyişir. Yatağın ilkin neft ehtiyatları 100 milyon tondur. Yatağın işlənməsi üzrə operator ARDNŞ-dir.

Məqalədə:
Xəbər lenti

Xəbər lenti