Azərbaycan, Bakı, 17 iyun /Trend, müxbir A.Bədəlova/
2013-cü ildə Azərbaycanda neft hasilatı sutkada 931 min barel təşkil edib ki, bu da 2012-ci ilin göstəricisindən 1,2 faiz çoxdur. Trend-in məlumatına görə, bu barədə BP şirkətinin dünya energetikası üzrə illik statistik icmalında deyilir.
Ötən il Azərbaycanın ümumdünya neft hasilatında payı 1,1 faiz təşkil edib.
BP-nin qiymətləndirmələrinə görə, 2013-cü ildə ölkədə neftə tələbat 9,8 faiz - sutkada 101 min barel təşkil edib.
BP Azərbaycanın sübut edilmiş neft ehtiyatları üzrə qiymətləndirmələrini dəyişilməz, yəni 7 milyard barel səviyyəsində saxlayıb ki, bu da dünya üzrə sübut edilmiş neft ehtiyatlarının 0,4 faizini təşkil edir.
Azərbaycanda neft hasilatının əsas həcmi "Azəri-Çıraq-Günəşli" yataqları blokunun payına düşür.