Azərbaycan, Bakı, 5 avqust /Trend, müxbir Təmkin Cəfərov/
İran öz qazını Trans-Anadolu boru kəməri (TANAP) üzrə Avropaya nəqli imkanını nəzərdən keçirməyə hazırdır. Trend-in məlumatına görə, bunu çərşənbə axşamı Bakıda İranın rabitə və informasiya texnologiyaları naziri Mahmud Vaezi ARDNŞ prezidenti Rövnəq Abdullayevlə görüşdə deyib.
Azərbaycan tərəfinin təklifinə cavab verən nazir qeyd edib ki, Avropa bazarının qaza olan tələbatını təmin etmək məqsədilə Azərbaycan və İranın neft-qaz şirkətləri arasında əlaqələndirmə lazımdır.
Bundan başqa, görüşdə Xəzərdə neft-qaz yataqlarının işlənməsi üzrə iki ölkənin şirkətlərinin əməkdaşlığı məqsədə uyğun sayılıb.
M.Vaezi qeyd edib ki, hər iki ölkənin böyük neft-qaz yataqları var: "Bu, mövcud sahədə və ümumilikdə neft-qaz sənayesində əməkdaşlığın genişləndirilməsinin vacibliyindən xəbər verir".
Nazir iki ölkənin müxtəlif sahələrdə xeylin oxşar olduğunu vurğulayıb. O, Azərbaycan və İran əməkdaşlığı üçün böyük potensial olmasına baxmayaraq, münasibətlərin mövcud səviyyəsini qənaətbəxş hesab edib: "İran Naxçıvan Muxtar Respublikasının, xüsusilə enerji sahəsində tələbatının təmin edilməsini çox vacib hesab edir. Bizim çün bu sahədə heç bir maneə yoxdur".
