Azərbaycan, Bakı, 2 sentyabr /Trend, müxbir Emil İsmayılov/
BP şirkəti oktyabrda Xəzərin Azərbaycan sektorunda "Azəri-Çıraq-Günəşli" (AÇG) neft-qaz yataqları blokundakı özüllərdən birinin planlı profilaktika işlərinin aparılması üçün dayandırılmasını planlaşdırır. Bu barədə Trend-ə şirkətdən bildirilib.
Bundan əvvəl BP payızda (ayrı-ayrı vaxtlarda) iki özülü - "Qərbi Azəri" və "Mərkəzi Azəri"də - planlı texniki işlərin aparılması üçün dayandırmağı planlaşdırırdı.
Şirkətdən bildiriblər ki, AÇG-də planlı profilaktik işlər üçün iki yox, bir özül dayandırılacaq.
BP-dən planlı profilaktik işlərlə əlaqədar hansı özülün işinin dayandırılacağı deyilməyib.
Bir müddət əvvəl "BP-Azerbaijan" şirkətinin rəhbəri Qordon Birrelin bildirdiyi kimi, (iki özülün dayandırılması üzrə əvvəlki planlar nəzərə alınmaqla) planlı profilaktiki işlər blokdan neft hasilatına cüzi təsir edəcək.
