Azərbaycan, Bakı, 3 iyun /Trend, müxbir Maksim Tsurkov/
Fransanın "Total" şirkəti Xəzərin Azərbaycan sektorunda yerləşən "Abşeron" yatağında qazma işləri ilə əlaqədar yeni nəsil qazma qurğularının tətbiqi məsələsini bu ilin sonuna kimi həll etməyə çalışır.
Bu barədə Trend-ə "Total"ın inkişaf üzrə meneceri Erik Mayer deyib.
Onun sözlərinə görə, "Total" hazırda "Caspian Drilling Company" ilə quraşdırma məsələlərini müzakirə edir: "Danışıqlar davam edir. Yeni qurğunun maliyyələşməsi də daxil olmaqla, müxtəlif məsələləri müzakirə edirik. Bu ilin sonuna kimi qazma qurğusu ilə bağlı qərar verməliyik".
