Bakı. Trend:
Türkmənistan Məclisi "Türkmənistan Hökuməti ilə Azərbaycan Respublikası Hökuməti arasında Xəzər dənizində "Dostluq" yatağındakı karbohidrogen ehtiyatlarının birgə kəşfiyyatı, işlənilməsi və mənimsənilməsi barədə Anlaşma Memorandumunun təsdiq edilməsi haqqında" qərar qəbul edib.
Bu barədə Trend "Türkmənportal" saytına istinadən xəbət verir.
Mütəxəssislərin hesablamalarına əsasən ehtiyatlarının 50 milyon ton neft olduğu təxmin edilən "Dostluq" yatağı uzun illər mübahisəli sayılıb. Daha əvvəl Türkmənistan tərəfdən yataq "Sərdar", Azərbaycan tərəfdən isə "Kəpəz" adlanırılırdı.
Xatırladaq ki, cari il yanvarın 21-də Türkmənistan və Azərbaycan Xarici İşlər nazirləri Aşqabadda bu karbohidrogen yatağının birgə kəşfiyyatı, işlənməsi və mənimsənilməsinə dair Anlaşma Memorandumu imzalayıblar.