Bakı. Trend:
Azərbaycan Dövlət Neft Şirkəti (SOCAR) Türkmənistanda nümayəndəlik açmağı planlaşdırır.
Trend-in məlumatına görə, bunu bu gün SOCAR-ın elm və texnika şöbəsinin rəis müavini Emin Ələkbərov 27-ci "Türkmənistanın nefti və qazı - 2022" beynəlxalq konfransında deyib.
O qeyd edib ki, SOCAR prezidenti Rövşən Nəcəfin Türkmənistan tərəfi ilə görüşü zamanı enerji ehtiyatlarının nəqli, o cümlədən şirkətin Türkmənistanda ofisinin açılması məsələləri müzakirə olunub.
Bundan başqa, qeyd olunub ki, siyasi, mədəni, iqtisadi əlaqələrin qurulması dövlətlərarası əməkdaşlığın inkişafına müsbət təsir göstərir.
(Tərcümə: Orxan Nəbiyev)