Bakı. Trend:
Bu gün Bakı Fond Birjası (BFB) tərəfindən Azərbaycan Respublikasinin Dövlət Neft Şirkətinin (SOCAR) 200 milyon ABŞ dolları dəyərində faizli, təmin edilməmiş, sənədsiz, adlı istiqrazlarının yerləşdirilməsi üzrə hərrac keçirilib.
Bu barədə Trend BFB-yə istinadən xəbər verir.
Belə ki, hər birinin nominal dəyəri 1 000 ABŞ dolları olan 200 000 ədəd istiqraza 412 investor 220 milyon dollarlıq 510 sifariş təqdim edib. Nəticədə, SOCAR istiqrazlarının abunə yazılışı üsulu ilə yerləşdirilməsi Bakı Fond Birjasında yekunlaşıb.
Qeyd olunan qiymətli kagızların ticarət nəticələri “Bakı Fond Birjasında Qiymətli Kağızların Ticarətə Qəbulu, Listinqə Alınması, Listinqdə Saxlanılması və Delistinqi Qaydaları”-n 3.18 bəndinin tələblərinə cavab verdiyinə görə Əsas Bazar Listinq seqmentinə alınır.
Yerləşdirmədə sifariş saylarının 4%-ni hüquqi, 96%-ni isə fiziki investorlar təşkil edib.
İstiqrazların buraxılışı “Yaşıl enerji” layihələrinin maliyyələşdirilməsi istiqamətində olduğundan istiqrazlar Bakı Fond Birjasının “Yaşıl İstiqraz Bazarı” üzrə listinqə alınır və “Yaşıl İstiqraz Bazarı” təsnifləşdirməsi üzrə ilk belə istiqrazlardır. İstiqrazlar üzrə məlumat aşağıdakı kimidir:
|
Emitentin adı |
Azərbaycan Respublikasinin Dövlət Neft Şirkəti |
|
Dövlət qeydiyyat nömrəsi – İSİN |
AZ2003019893 |
|
İstiqrazın növü və forması |
İstiqraz faizli, təmin edilməmiş sənədsiz adlı |
|
Ticarət üsulu / forması |
Kütləvi / Abunə yazılışı |
|
İstiqrazların sayı |
200,000 (ədəd) |
|
İlkin ticarət qiyməti |
1000 ABŞ dolları |
|
Buraxılış həcmi |
200,000,000 ABŞ dolları |
|
Nominal (Yerləşdirmə) qiyməti* |
1,000 ABŞ dolları |
|
Reallaşdırılmış həcm |
200,000,000 ABŞ dolları |
|
Sifarişlərin ümumi həcmi (nominal qiymətlə) |
220,000,000 ABŞ dolları |
|
İnvestor sayı |
412 |
|
Sifariş sayı |
510 |
|
Anderrayter |
“PAŞA Kapital İ.Ş” QSC |
Qeyd edək ki, bu ilin yanvarın 14-də Bakı Fond Birjasının (BFB) Listinq Komitəsinin qərarı ilə c istiqrazlarının ticarətə buraxılması üçün “Ticarətə İcazə” qərarı verilib.
Azərbaycan Respublikasinin Dövlət Neft Şirkətinin qiymətli kağızların abunə yazılışı 15.01.2025-ci ildə başlayaraq 28.02.2025-ci il tarixinə kimi davam edib.