Sentyabrda "Azəri-Çıraq-Günəşli" (AÇG) dəniz blokunu mənimsəmiş ABƏŞ Gürcüstanın Supsa limanından 430 min ton neft yükləməyi planlaşdırır. Trend in məlumatlı mənbələrə istinadən xəbər verdiyi kimi, neft 4 tankerlə nəql olunacaq.
Mənbənin məlumatına görə, BP sentyabrda Supsadan iki tankerlə 215 ton neft - sentyabrın 7-8-də 80 min ton, sentyabrın 20-21-də 135 min ton, Amerikanın ExxonMobil şirkəti isə sentyabrın 15-16-da 80 min ton neft yükləyəcək. AR DNŞ-in payına 135 min ton gəlir nefti düşür ki, onun da sentyabrın 27-28-də yüklənməsi planlaşdırılır.
Gələn həftə AR DNŞ-in 135 min ton neftin (1 mln bar) satışı üzrə tender elan edəcəyi nəzərdə tutulur.