Barmek Azerbaijan şirkəti Bakı ətrafında elektrik şəbəkələrinin inkişafına xüsusi diqqət yetirir. Sentyabrın 10-da Bakının ətrafıvnda - Maştağa və Mərdəkan qəsəbələrində 35/6-kilovatt gücü olan 2 yarımstansiya istismara verilib. Bu barədə Trend məlumat verib. Tədbirdə Barmek-in rəhbəri Hüseyn Arabul, Türkiyədən gələn və tərkibində 51 sahibkarın daxil olduğu çoxsaylı nümayəndə heyətləri, millət vəkilləri və enerji obyektlərinin rəhbərləri, Sabunçu və Suraxanı rayonlarının icra hakimiyyətləri, parlament deputatları və digərləri iştirak edib.
İnkişaf proqramı çərçivəsində Barmek ilin əvvəlindən Kürdəxanı və Nardaran qəsəbələrində 35/6-kilovatt gücü olan yarımstansiyalar istifadəyə verib. Dörd yarımstansiya üçün avadanlıqların hamısı Türkiyədən gətirilib.
Kürdəxanıdakı yarımstansiya 0,11 hektar ərazisin tutur. Buradakı tikinti işlərinin müqavilə üzrə dəyəri 254 milyn. 983 min manat təşkil edir.
"Nardaran-2" yarımstansiyası 0,16 hektar ərazidə yerləşir (dəyəri 296 milyn. 655 min manatdır), Maştağadakı "Məktəb" yarımstansiyasının ərazisi 0,1 hektardır (dəyəri 35 milyn. 251 min manatdır), Mərdəkandakı 459 saylı yarımstansiyanın ərazisi 0,08 hektar təşkil edir (dəyəri 193 milyn. 233 min manatdır).
Göstərilən obyektlərin tikintisinə şirkət 3 milyon dollara yaxın vəsait sərf edib.
459 saylı yarımstansiyanın yenidən qurulmasını, "Nardaran" və "Kürdəxanı" yarımstansiyalarını tikintisini 31 saylı trest, "Hidromaşservis" QSC, "Memaplıq və tikinti qupaşdıpma" şirkəti həyata keçirib.