ARDNŞ bu gün Gürcüstanın Qara dənizdəki Batumi limanında Britaniyanın Petrogas şirkəti ilə müqavilə çərçivəsində 12 min tondan çox TS-1 markalı aviasiya nefti yükləyib.Bu barədə Trend ə ARDNŞ-də bildirilib.Aviasiya neftinin tədarükü oktyabrın birinci ongünlüyündə başlayıb.
ARDNŞ nümayəndəsinin sözlərinə görə, hazırda kerosin Batumi limanının çənlərində yığılıb və neft məhsulu oktyabrın sonunda- noyabrın əvvəlində yüklənəcək.Tanker partyasının həcmi 25 min ton təşkil edir.
ARDNŞ bu il Petrogas şirkəti ilə 50 min ton TS-1 markalı aviasiya kerosininin tədarükünə dair müqavilə imzalayıb. 25 min ton həcmli partiya tədarük olunub.Amma AZAL DK (yerli avia şirkəti) bu neft məhsuluna tələbatını artırması ilə bağlı olaraq ARDNŞ ilin sonunadək 25 min ton həcmli partiyanı göndərməkdə tərəddüd edir.
Bakı-Novorossiysk boru kəməri ilə neft ixracının azaldılması ARDNŞ-ə Bakı NEZ-in xammal yükləməsinin artırılmasına imkan verib.Bu, daha çox aviasiya nefti istehsal etməyə və bu neft məhsulunun Petrogas üçün tədarükünü bərpa etməyə imkan yaradıb.
Aviasiya kerosini ARDNŞ-nin tərkibinə daxil olan "Heydər Əliyev adına " (keçmiş Azərneftyanacaq) NEZ-də istehsal olunur. Petrogas şirkətinədək ARDNŞ kerosini İsveçrənin Glencore treyderinə tədarük edirdi. Tədarük olunan kerosinin həcmi 75 min ton təşkil edirdi.
