Noyabrın 24-də Xaçmaz rayonunda Barmek Azerbaycan (Bakı və Sumqayıt enerjipaylayıcı şəbəkəsinin operatoru) şirkətinin prezidenti Hüseyn Arabulun sədrliyi ilə müşavirə keçirilib. Bu barədə Trend ə şirkətdə bildirilib. Görüşdə şirkətin texniki direktoru Vəfa Ağaeyv, kommersiya departamentinin direktoru Valeh Zeynalov və regionlarda elektrik enerjisinin satışı və istismarı idarələrinin rəisləri iştirak edib.
Şirkətdə qeyd olunub ki, müşavirədə xüsusilə qış mövsümünə hazırlıq, tədarük olunan elektrik enerjisi üçün vəsait yığımı, müxtəlif nöqsanlar və 2006-cı ilə iş planı müzakirə edilib.
Şirkətin prezidenti H.Arabul, Xaçmaz rayon İcra hakimiyyətində keçirilən müşavirədə həmin rayonun İcra hakimi Şəmsəddin Xanbabayev, Qusar rayonunun İcra hakimi Zöhrab Pirimov, Siyəzən rayonunun İcra hakimi Mövsüm Bədirxanov, eləcə də Dəvəçi və Quba rayonlarının icra hakimlərinin müavinləri iştirak edib. H.Arabul iştirakçıları şirkətin 2006-cı ilə olan plan və investisiya proqramları ilə tanış edib.
H.Arabulun sözlərinə görə, ötən illər ərzində Qubada 20, Dəvəçidə - 17, Siyəzəndə - 19, Xaçmazda - 70, Qusarda - 35 yeni transformator quraşdırılıb və yeni EÖX çəkilib.H.Arabul qeyd edib ki, regionda 93 min abunəçidən 40 mini sayğacla təmin edilib.
