Azərbaycan Respublikası Dövlət Neft şirkətinin prezidenti Rövnəq Abdullayevin sərəncamı ilə AR DNŞ-də geologiya və geofizika idarəsi yaradılıb. Bu barədə Trend ə AR DNŞ-dən məlumat verilib.
Şirkət nümayəndəsinin sözlərinə görə, idarə AR DNŞ-in Azneft İB-nin tərkibinə daxil olan "Geofizika və mühəndis geologiyası" İB bazasında yaradılıb. Yanvarın 1-dən idarə fəaliyyətə başlayacaq və bir ay ərzində əmlakın təhvil-təslimi başa çatacaq. O, AR DNŞ-in tərkibinə daxil olacaq.
Şirkətdə "Sosial xidmətlər idarəsi"nin bazasında "Sosial inkişaf idarəsi" yaradılıb və AR DNŞ-in tabeliyinə verilib.
Həmçinin, əvvəllər AR DNŞ-in Azneft İB-nin tərkibinə daxil olmuş "Hərbiləşdirilmiş mühafizə dəstəsi" bazasında yaradılmış "Təhlükəsizlik" idarəsi də AR DNŞ-in tərkibinə daxil edilib.