Aprel ayından başlayaraq Azərbaycanın qaz infrastrukturu hər il İrandan 2 mlrd m3-dək qaz alacaq. Trend in xəbər verdiyi kimi, bu barədə "Azəriqaz" SC-nin rəhbəri Əlixan Məlikov məlumat verib.
Hazırda Astarada qaz-kompressor stansiyasından istifadə olunmaqla İrana sutkada 500 min m3 qaz tədarük olunur. Bu qaz NMR-ə verilən İran qazının əvəzinə tədarük edilir.
Azərbaycana İran qazının idxalı üçün yeni Astara-Hacıqabul qaz kəmərinin inşası məsələsi nəzərdən keçirilir. Bu, yüksək təzyiqli qaz kəməri olacaq. Belə ki, İran yanacağı təqribən 45 atmosfer təzyiqi ilə verilir. Mövcud qaz kəməri isə yanacağı təxminən 25 atmosfer təzyiqində qəbul edə bilər. Yeni qaz kəmərinin inşası üzrə TİƏ artıq hazırdır. Lakin layihənin dəyəri hələ müəyyən olunmayıb. Kəmərin uzunluğu 211 km, diametri 1000-1200 mm olacaq.
Ə.Məlikovun sözlərinə görə, İran qazının tədarükünə başlandığı təqdirdə onun dəyəri 1 m3-i $110 olan Rusiya qazının qiymətindən baha olmayacaq. İran qazının tədarükü Azərbaycanın enerji təhlükəsizliyini möhkəmləndirməyə imkan verəcək və s.
