...

Mayda Azərbaycan Novorossiyskdən neft satışını apreldəki səviyyədə saxlayacaq

Energetika Materials 1 May 2006 13:18 (UTC +04:00)

Trend-i buradan izləyin

Mayda Azərbaycan Novovrossiysk limanından 400 min ton Ural sortundan olan neft satacağını ehtimal edir ki, bu da apreldəki göstəricilərə bərabərdir. Novorossiysk limanına yaxın olan mənbənin Trend ə verdiyi məlumata görə, Azərbaycan Beynəlxalq Əməliyyat Şirkətinin (ABƏŞ) payına 3 tanker partiyası ilə 340 min ton, ARDNŞ-in payına isə 60 min ton xammalın yola salınması düşür.

Mayda ABƏŞ Novorossiysk limanındakı 1 saylı körpüdən hər birində 130 min ton olmaqla iki partiya və 2 saylı körpüdən 80 min ton partiya yükləyəcək. ARDNŞ 6 və 7 saylı körpülərdən 60 min ton neft satacaq.

Mənbələr qeyd edirlər ki, ABƏŞ mayın 17-18-də 130 min tonluq partiya, ikinci analoji partiya isə ayın 26-27-də, 80 min ton isə mayın 7-8-də yükləyəcək. ARDNŞ isə aprelin 28-29-da 60 min ton xammal satacaq.

Yanvar-martda ARDNŞ Novorossiysk limanından 228,8 min ton Ural sortundan olan neft satacaq. Martda Novorossiyskdən yola salınan neft 2005-ci ilin martındakı 358,1 min tona qarşı 144,2 min ton təşkil edib.

Yanvar -mart aylarında "şimal" marşrutuna 1,157 mln. ton neft vurulub. Bunun 162,4 min tonu ARDNŞ-in, 995,3 min ton ABƏŞ-in payına düşür. Martda 399,4 min ton neft vurulub ki, bu zaman ARDNŞ-in payına 60,4 min ton, ABƏŞ-in payına isə 338,9 min ton təşkil edir.

Bakı-Novorossiysk boru kəməri ilə 1 ton neftin nəqli üçün tarif $15,67 təşkil edir. ARDNŞ-dən bildirilib ki, martda Urals sortlu neftin bir barelinin orta qiyməti $58,11 təşkil edib.

Hazırda ABƏŞ "Azəri-Çıpaq-Günəşli" yatağından hasil etdiyi öz neftini Bakı-Novorossiysk, Bakı-Supsa boru kəmərləri və Gürcüstanın Batumi limanına kimi dəmiryolu ilə daşıyır. BTC neft kəmərinin istismarına başlanacağı və ABƏŞ-in Azeri Light sortundan olan neftinin bu boru kəməri ilə nəql olunması ilə əlaqədar Azərbaycan Beynəlxalq Əməliyyat Şirkətinin təkcə Bakı-Supsa üzrə öz neftini ixrac edəcəyi gözlənilir.

Xəbər lenti

Xəbər lenti