Qazaxıstan netfinin Bakı-Tbilisi-Ceyhan neft boru kəmərilə optimal nəql variantı 25-30 min tonajlı tankerlərin inşasıdır. Bu barədə AzBTC Co-nun icraçı direktoru İlham Nəsirov bildirib.
Onun sözlərinə görə, Qazaxıstan tərəfi gündə 500 min bareldən 1 mln barelədək neft nəql edə bilər ki, bu da ildə ən azı 25-50 mln ton təşkil edir. Neftin daşınması üçün tankerlər lazımdır.
İ.Nəsirov qeyd edib ki, neftin nəqli Azərbaycan və Qazaxıstan nəqliyyat şirkətləri tərəfindən paritet əsasında həyata keçirilə bilər. Lakin tankerlər qəbul olunmuş beynəlxalq standartlara uyğun olmalıdır.
