Azərbaycanın quruda olan "Mişovdağ - Kəlaməddin" yataqlarının işlənməsinə qoyulan sərmayələr layihənin reallaşmasının əvvəlində 100 milyon ABŞ dolları təşkil edib. Trend in verdiyi xəbərə görə, bu barədə (KAOC) ("Mişovdağ-Kəlaməddin" sahəsi) şirkətinin prezidenti və Kura Ialley Operating Company (KIOC) ("Padar-Xarrami") şirkətinin vitse-prezidenti Maykl Palmer bu gün junralistlərə verdiyi müsahibəsində bildirib.
Onun sözlərinə görə, 2006-cı ildə "Mişovdağ - Kəlaməddin" yatağının işlənməsinə qoyulan sərmayə 80 milyon ABŞ dolları olacaq. "2006-cı ildə biz sahədə 28 istismar quyusu və 2 qiymətləndirmə quyusu qazmağı nəzərdə tuturuq", - deyə o bildirib.
Bu günkü qiymətləndirmələrə görə, "Mişovdağ - Kəlaməddin" yatağından hasil edilən ehtiyatlar 28 milyon neft bareli təşkil edir.
O deyib ki, 2007-ci ilin yanvar ayından etibarən Karasu Operating Company bir neçə il bundan əvvəl layihə üçün götürülmüş 40 milyon ABŞ dolları məbləğində krediti AYİB-ə qaytarmağa başlayacaq. Karasu Operating Company əvvəllər kredit faizlərini qaytarırdı, gələn ildən isə ildə 10 milyon ABŞ dolları ödəməyə başlayacaq.
Hazırda "Mişovdağ - Kəlaməddin" yatağındakı 210 quyudan neft hasil edilir. "Mişovdağ - Kəlaməddin" yatağından ümumi debit sutkada 6 min barel təşkil edir ki, bunun sutkada 5,5 min bareli "Mişovdağın", sutkada 0,5 min bareli isə "Kəlaməddin"in payına düşür. O deyib: "Biz güman edirik ki, ilin sonunadək debit sutkada 7,5 min barelə çatacaq".
Hazırda "Mişovdağ- Kəlaməddin" yataqlarında laya sutkada 60 min barel su vurulur.
Kura Ialley Operating Company şirkətinin işinə gəldikdə isə, Maykl Palmer deyib ki, 2006-cı ilin may ayında Dövlət Neft Şirkəti "Padar-Hərami" yatağının "İş Proqramını" təsdiq edib. 2006-cı ildə yataqlara qoyulan sərmayələr 8 milyon ABŞ dolları məbləğində qiymətləndirilir. İşin başlanmasından etibarən isə cəmi 30 milyon ABŞ dolları sərmayə qoyulub.
"Biz "Padar-Hərami" yatağında Karasu Operating Company i Kura Ialley Operating Company-nin müqavilə sahələrinin sərhəddində yeni kommersiya kəşfi etmişik", - deyə o bildirdi. "İncəbel" adlanan bu yeni yerdə 2 qiymətləndirmə quyusunun qazılması və ikiölçülü (2D) seysmik kəşfiyyatın aparılması planlaşdırılır.
"Mişovdağ- Kəlaməddin" yataqlarının səhmdarları qismində Kanadanın Nations Energy şirkəti (85%) və ARDNŞ (15%) çıxış edir. Müqavilə 12 sentyabr 2000-ci ildə imzalanıb. "Padar-Hərami" yataqlarının səhmdarları qismində də Kanadanın Nations Energy şirkəti (80%) və ARDNŞ (20%) çıxış edir. Müqavilə 27 aprel 1999-cu ildə imzalanıb.