Ukrayna tərəfi qazın Azərbaycan və Gürcüstan ərazilərindən Xəzər dənizi ilə nəqli üçün Qara dənizin dibi ilə qaz kəmərinin çəkilməsini təklif edir. Bu barədə Trend ə Azərbaycanın sənaye və energetika naziri Natiq Əliyev məlumat verib. Litva tərəfi də bu marşrutla qaz almaqda maraqlı olduğunu bildirib.
"Bundan başqa Litva enerji ehtiyatları, xüsusilə Azərbaycandan və Xəzəryanı ölkələrdən neft məhsulları almaqda maraqlıdır. Ancaq bu, mürəkkəb prosesdir", - deyə N.Əliyev qeyd edib. Çətinlik enerji daşıyıcılarının Litva bazarına nəqli məsələləri ilə bağlıdır.
Bu gün Litva Azərbaycandan mazut almaq niyyətindədir. Bu məhsul dəmir yolu ilə nəql oluna bilər. Ancaq bu layihəni gerçəkləşdirmək məqsədilə Litva tərəfi özü üçün bu marşrutun səmərəliliyini müəyyən etməlidir. Çünki nəqlin dəyəri çox yüksək olacaq", - deyə nazir bildirib.
Bakıda keçirlmiş Litva-Azərbaycan biznes forumunda Litva iqtisadiyyat nazirinin müavini Anitsetas İqnotas bildirib ki, ölkəsi Azərbaycandan ildə 1 mln tonadək neft məhsulu almaq niyyətindədir.
