"Azərenerji" SC Naxçıvan Muxtar Respublikasında modul elektrik stansiyasının tikintisi üçün avadanlıqların olduğu 64 konteyner alıb. Trend in verdiyi xəbərə görə, bu barədə SC-nin mətbuat xidmətindən bildiriblər.
Avadanlıq Finlyandiya, Bolqarıstan, MDB respublikalarından layihədə iştirak edən ABB xətti ilə göndərilib. Layihənin baş podratçısı Finlyandiyanın Wartsila şirkətidir. Elektrik stansiyasının gücü 87 MVt-dır.
Elektrik stansiya dövlət tərəfindən yerli əhalidən alınmış 12 ha ərazidə yerləşəcək. SC-də qeyd ediblər ki, bu obyekt blokadada olan Naxçıvanda elektrik enerjisinin sabit şəkildə təmin edilməsi üçün zəruridir. Bütün tədarüklər Türkiyə vasitəsilə həyata keçirilir.
Hazırda stansiyada daxili yollar çəkilir. Bu işlərə 106 nəfər cəlb olunub.
