Azərbaycan Dövlət Neft Şirkəti respublikanın Abşeron rayonunda neftlə çirklənmiş torpaqları təmizləməyə başlayıb. Trend in verdiyi xəbərə görə, bu barədə ARDNŞ-dən xəbər veriblər. ARDNŞ-in neft və qaz hasilatı üzrə "Azneft" istehsalat birliyinin bazası əsasında 14 sentyabr 2005-ci ildə yaradılmış "Azneftekologiyaservis" idarəsi bununla məşğul olur.
Hazırda 2200 kubmetr torpaq təmizlənib. 1,1 ha sahədə təmizlik işləri aparılır. Bütün işlər "Azneftekologiyaservis" idarəsinin şəxsi imkanları hesabına görülür.
Hazırda "Balaxanıneft" nefq-qazçıxarma idarəsinin 7 mədəninin ərazisində iş görülür. Mərhələlərlə təmizlənən çirklənmiş torpaq yük avtomobillərində NQÇİ-nin ərazisində yerləşən mexaniki təmizləmə qurğularına aparılır. Bu qurğuda torpaq yenidən kultivasiya olunur və sonra yenidən öz yerinə qaytarılır.