"Biz Azərbaycan Beynəlxalq Əməliyyat Şirkətilə "Azəri-Çıraq-Günəşli" yatağından Azərbaycana verilən səmt qazının həcminin artırılması ilə bağlı danışıqlar aparmaq niyyətindəyik" - deyə sənaye və energetika naziri Natiq Əliyev Trend ə bildirib.
Bu il Azərbaycan 2,2 mlrd. kub metr qaz alacaq. Gələn il isə 1,4 mlrd kub metr qaz alınması ehtimal olunur. Qalan qaz isə laya vurulacaq. Lakin bu həcmin artırılması ilə bağlı danışıqlar aparmaq planlaşdırılır.
Bu ilin əvvəlində ARDNŞ ABƏŞ-dən əlavə qaz almağa cəhd edib, lakin şirkət qarşısında laya vurulan qazın azaldılması nəticəsində itirilmiş qazı kompensasiya etmək kimi şərt qoyuldu. Bu, ARDNŞ-i təmin etdi. Qazın nəqli mayda "Mərkəzi Azəri" yatağından başlandı.