2006-cı ilin III rübündə Arawak Energy şirkəti "Cənub-Qərbi Qobustan" müqavilə sahəsində 1877 barel neft, 37 mln. m3 qaz hasil edib. Trend in xəbər verdiyi kimi, bu barədə şirkətin məlumatında deyilir. ARDNŞ-lə bağlanmış PSA müqaviləsi üzrə "Cənub-Qərbi Qobustan" yatağının işlənməsi ilə Gobustan Operating Company (GOC) ƏŞ məşğul olur. GOC-də iştirak payının 80%-i Commonwealth Gobustan Limited (CGL) şirkətinə, 20% - ARDNŞ-ə, CGL-də isə 37,17% Arawak Energy şirkətinə, 62,83% isə China National Petroleum Company şirkətlər qrupuna məxsusdur.
Sənəddə bildirilir ki, 2005-ci ilin III rübündə Arawak Energy şirkəti 2943 barel neft hasil edib. Qaz hasilatı isə həyata keçirilməyib.
GOC şirkətinin podratçısı - ARDNŞ-in Geologiya və Geofizika İdarəsi tərəfindən yataqda iki və üç ölçülü (2D və 3D) seysmik kəşfiyyat işləri davam etdirilir.