Kanadanın CENgroup Petroleum Corporation şirkəti elan edib ki, o, Bakıda və paytaxt ətrafında bəzi ərazilərdə neftlə çirklənmiş torpaqların təmizlənməsi üçün hüquq əldə edib. Trend xəbər verir ki, bu barədə şirkətin məlumatında qeyd olunub.
CENgroup artıq toplanmış neft gəlirlərinin təmizlənməsi və nəqli üçün avadanlıq hazırlayıb. Şirkət işlərin görülməsinə hazırlaşır və indi ABŞ-dan absorbentin olduğu konteynerlər gətirilir.
ENVIROMOP şirkəti CENgroup bütün əməliyyatları tamamlayanadək ABŞ-dan Bakıya absorbentləri gətirməkdə davam edəcək.
Hazırda Bakı və Abşeron yarımadasının ərazisində neftlə çirklənmiş çoxlu torpaqlar var. Azərbaycan Dövlət Neft Şirkətinin prezidenti Rövnəq Abdullayevin əmrinə əsasən bu problemlərin həlli üzrə tədbirlər planı hazırlanıb.
Proqram çərçivəsində "Balaxanıneft", "Qum Adası", "Bibiheybət" və "H.Z.Tağyev adına" NQÇİ ərazilərini təmizləmək və torpaqların yenidən becərilməsi planlaşdırılır.
Bu layihələrin reallaşdırılması üçün "Azərneftekologiyaservis" idarəsi yaradılıb və o, artıq işə başlayıb. İdarə "Balaxanıneft" və "Qum Adası" NQÇİ-də monitorinq keçirib. Bu proses "Bibiheybət"də davam etdirilir.