Ölkə prezidentinin təsdiq etdiyi "2007-ci il üçün dövlət büdcəsi haqqında" Qanuna əsasən, gələn il neft hasilatının paylaşdırılması və Azəri-Çıraq-Günəşli yatağının dərin sulu hissəsinin birgə işlənməsi üzrə Saziş podratçılarının mənfəət vergisindən çıxarlarının 1,4 mlrd. manat səviyyəsində olacağı gözlənilir.
Azərbaycan Maliyyə Nazirliyindən Trend ə verilən xəbərə görə, bu il neftin qiymətinin artması ilə əlaqədar daxilolmalar gözlənildiyindən çox olub və üç rübün yekununa görə dövlət büdcəsinə 800 mln. manatdan çox vəsait ödənilib, halbuki 2006-cı ilin yekununda 600 mln. manatın olacağı gözlənilirdi.
Bu hesablamalar dövlət büdcəsinə qoyulmuş neftin qiymətinə (40 ABŞ dolları) əsasən həyata keçirilib. Sonra qiymət artımının davam edən tendensiyası ilə əlaqədar, dövlət büdcəsində bu hədd hələ ilin ortasından 50 dollara çatdırılıb.
ABƏŞ yalnız öz xərclərini ödədikdən sonra mənfəət vergisini ödəməyə başlayıb. Güman edilib ki, dünya bazarlarında neftin bir barelinin 40 ABŞ dolları məbləğində orta qiymətini saxlamaqla, ABƏŞ 2006-cı ildə qalan 548,6 mln. ABŞ dolları həcmində xərcləri ödəyəcək, eləcə də vergilərə qədər 880 mln. ABŞ dolları həcmində gəlir əldə edəcək.
ABƏŞ, müqavilədə nəzərdə tutulduğu kimi, mənfəət vergisini 25%-lə ödəyir.
