"Azərenerji" səhmdar cəmiyyəti və "EES Rossii" RSC arasında elektrik enerjisinin tədarükü haqqında müqavilə yanvarın 15-də imzalanacaq. Bu barədə Trend ə bazar ertəsi "Azərenerji" səhmdar cəmiyyətinin vitse-prezidenti Marlen Əsgərov məlumat verib.
Onun sözlərinə görə, razılaşmaya əsasən, pik saatlarında, ölkədə elektrik enerjisi çatışmamazlığı müşahidə olunan vaxt Rusiya tərəfi Azərbaycana 200-250 MVt gücə malik elektrik enerjisi verəcək.
Razılaşmaya əsasən, Azərbaycan tərəfdən Rusiyaya elektrik enerjisinin satış qiyməti ötən illə müqayisədə artacaq, Rusiya tərəfdən Azərbaycana elektrik enerjisinin satış qiyməti isə çox dəyişməyəcək.
"Azərenerji" səhmdar cəmiyyətinin prezidenti Etibar Pirverdiyevin əvvəl qeyd etdiyi kimi, 2007-ci ildə Azərbaycan Rusiyadan 700 mln. kVt/s elektrik enerjisi almaq niyyətindədir.
Əvvəl Rusiya tərəfi Azərbaycana elektrik enerjisinin tədarük həcminin azalacağı barədə bildirmişdi. Əgər əvvəl qışda gecənin pik saatlarında elektrik enerjisinin tədarük gücü təxminən 300 MVt təşkil edirdisə, o zaman 2007-ci ildə bu göstərici 60 MVt-ı ötməməli idi. Əgər Rusiya tərəfi hər ay 100 kVt/s elektrik enerjisi tədarük edirdisə, o zaman 2007-ci ildə həmin həcm ayda 30 kVt/saata qədər azalmalı idi.