"Xəzər-4" qazma qurğusu "Qərbi Abşeron" strukturunun cənub hissəsində layihə dərinliyi 800 metrdən çox olan növbəti quyunun qazıntısını başa çatdırıb. Bu barədə Trend ə çərşənbə günü Azərbaycan Dövlət Neft Şirkətindən məlumat verilib. Bu qurğudan cəmi 12 qabaqlayıcı quyunun qazılması nəzərdə tutulub. Qazıntı başa çatdıqdan sonra onlar sonradan platformadan hasil edilmək üçün konservləşdiriləcəklər.
Dövlət Neft Şirkəti yatağın bu hissəsinin inkişaf proqramını həyata keçirmək niyyətindədir. Birinci platforma üç qazılmış qaz quyularının qoşulması üçün quraşdırılacaq. Onlar qazılıb və konservləşdirilib. Həmin quyuların təxmini debiti sutkada 250 min kubmetr qaz təşkil edəcək. Bu, yeni hasilat metodlarına - qaz-lift metoduna keçməyə, eləcə də qazı məişət ehtiyacları üçün verməyə imkan verəcək. Bu, ilk vəzifəsidir.
Gələcəkdə "Xəzər-4" üzən qazma qurğusu ilə qazılmış istismar quyuları üçün platformanın inşası nəzərdə tutulub. Hazırda artıq qərar verilib ki, bu platformadan, yeni qazma nöqtəsində əvvəl planlaşdırıldığı kimi 6 deyil, 12 quyu qazılacaq. Bu onunla izah olunur ki, kəşfiyyat qazıntısı laylarda çoxlu neftin və gücün olduğunu göstərib. Orta sutkalıq debit təxminən 10 ton təşkil edir.
Həmçinin bu yataqda "Abşeron" qazma qurğusundan kəşfiyyat qazıntısı davam etdiriləcək. Hazırda bu platformanın iş proqramında iki quyu var. Gələcəkdə onların sayı arta bilər.
Əvvəl "Xəzər-4" qurğusundan yataqdakı yerlərdən birində altı quyu qazılıb. Həmin yerdə həmçinin platformanın quraşdırılması nəzərdə tutulub. ARDNŞ-dən bildirilib ki, proqram qəbul olunan zaman platformaların quraşdırılmasının ardıcıllığı haqqında qərar qəbul olunacaq. Lakin artıq bu gün məlumdur ki, birinci- qaz quyuları üçün platforma olacaq.
Artıq bu layihənin tikintisinə başlanılıb. Onun gələn ilin birinci rübündə quraşdırılması nəzərdə tutulub. Platforma suyun 12-15 metr dərinliyində quraşdırılacaq. Gələn il daha bir platformanın quraşdırılması nəzərdə tutulub.
Bu yataqda ehtiyatların qiymətləndirilməsi göstərdi ki, orada 10 mln. tondan çox ehtiyatın olması mümkündür. Ehtiyatların qiymətləndirilməsi kəşfiyyat qazıntısından sonra həyata keçirilib. Əvvəl 5 mln. tonun olacağı güman edilirdi.
