Bakıda paylama şəbəkələrini idarə edən "Bakielektrikşəbəkə" SC abonentlərin nəzərinə çatdırır ki, elektrik enerjisinə yeni tariflərin qüvvəyə minməsilə 2007-ci ilin yanvarın 8-dək olan borcları köhnə tariflərlə hesablanacaq. Bu barədə Trend in xəbər verdiyinə görə, cümə günü Səhmdar Cəmiyyətdən məlumat veriblər.
2007-ci ilin 8 yanvarından sonrakı borclar isə yeni tariflərlə hesablanacq. Abonentlər bütün suallara cavabı bütün rayonların elektrik enerjisi satışı və paylaşdırılması idarələrindən ala bilərlər.
Abonentlərin əvvəlki borclarının yeni tariflərlə hesablanacağı barədə KİV-də getmiş məlumatlara "Bakelektrikşəbəkə" provakasiya kimi yanaşır.
2007-ci ilin 8 yanvarından Azərbaycanınq Tarif Şurası elektrik enerjisinin qiymətini 0,2 manatdan 0,6 manatadək qaldırıb.