"Salyan Oil" əməliyyat şirkəti "Kürsəngi-Qarabağlı" onşor yatağında bu il ilk istismar quyusunun qazıntısına başlayıb. Bu barədə Trend ə şirkətdən bildiriblər. Şirkət nümayəndəsinin sözlərinə görə, quyunun layihə dərinliyi 3500 metr təşkil edir. Quyunun qazıntısı 2007-ci il mart ayında başa çatdırılacaq.
Şirkət həmçinin hələ keçən il əsası qoyulmuş quyunun qazıntısını davm etdirir. Bundan öncə şirkət bu quyunun qazılması üçün yer seçilməsi ilə bağlı bir sıra çətinliklərlə rastlaşmışdı və ona görə quyu başqa nöqtədə qazılmışdı.
"Salyan Oil" şirkətinin keçən ilin dekabrında keçirdiyi əməliyyat komitəsində 2007-ci ildə işlərin görülməsi üçün büdcə 43 mln. dollar səviyyəsində təklif edilib. Ümumilikdə 2007-ci ildə 5 quyunun qazılması planlaşdırılır. Bu quyular hamısı istismar quyuları kimi nəzərdə tutulur. Onların layihə dərinliyi 3500 metr təşkil edəcək.
