Azərbaycan. Bakı/ Trend müxbir İ.Xəlilova/ 2007-ci ilin birinci rübündə Bakı-Tiflis-Ceyhan kəməri ilə bir barel neftin daşınmasına görə qiymət gözləniləndən 0,7 dollar yuxarı olmaqla 6,7 dollar təşkil edib. Bu barədə cümə günü hökumətdən xəbər veriblər.
BTC kəməri vasitəsilə "Azəri-Çıraq-Günəşli" yatağından Azərbaycan Beynəlxalq Əməliyyat Şirkətinin (ABƏŞ) hasil etdiyi neft ixrac olunur.
Kəmərlə ixrac olunan neftin qiyməti nəqlin həcmindən asılı olaraq dəyişilir. Nəql olunan neftin həcminin artması qiymətin aşağı düşməsinə səbəb olur. BTC Co neft kəməri şirkəti tariflərə ixrac, kapital və digər xərcləri də əlavə edir. Hökumətdən istisna etməyiblər ki, 2007-ci ilin sonuna kəmərlə göndəriləcək xammalın qiymətinin artması ilə əlaqədar tarif 6 dollar olacaq.
Həmçinin bildirilib ki, birinci rübdə Ceyhan limanından yüklənən yüngül neftin qiyməti orta hesabla 57,7 dollar olub.
Dövlət Büdcəsinə ABƏŞ-dən gəlir vergisi aprelin 25-nə qədər daxil olacaq. 2006-cı ildə BTC ilə sutkada orta hesabla 300-400 min barel neft ixrac olunurdusa, 2007-ci ildə bu həcm 600-700 min barelə qədər artıb.
BTC Co kəmərin ötürmə qabilliyətini sutkalıq 1 mln. barelə çatdırıb.
