...

Azərbaycanla Koreya enerji güclərinin inşasına dair saziş imzalayıblar

Energetika Materials 24 Aprel 2007 12:03 (UTC +04:00)
Azərbaycanla Koreya enerji güclərinin inşasına dair saziş imzalayıblar

Azərbaycan, Bakı / Trend / Koreyanın "Korea Electric Power Corp." (KEPCO) dövlət şirkəti çərşənbə axşamı Azərbaycanla əməkdaşlığa dair sazişin imzalanması barədə bəyanat yayıb. "Reuters" agentliyinin yaydığı məlumata görə, bu müqavilə çərçivəsində Bakıda qaz-buxar qurğusunun inşası ilə bağlı layihənin reallaşması mümkün olacaq.

Qarşılıqlı anlaşma memorandumu KEPCO-nun enerji güclərinin inşasında Azərbaycana yardımını nəzərdə tutur.

"İmzalanan sənəd KEPCO-nun qaz-buxar qurğusunun inşasına dair kontraktı udmaq şanslarını artırır" - KEPCO-nun yaydığı məlumatda vurğulanıb.

Güman olunur ki, sözügedən qurğu 700-1000 MVt-lıq istehsal gücünə malik olacaq.

Memorandum Seulda keçirilən Cənubi Koreya-Azərbaycan biznes-forumu zamanı imzalanıb.

Xəbər lenti

Xəbər lenti