Azərbaycan, Bakı/ Trend / Aprel ayında Azərbaycan Dövlət Neft Şirkəti (ARDNŞ) dövlət büdcəsinə 69 621 min manat köçürüb ki, bu da ötən ilin müvafiq dövründən 9 475 min manat çoxdur. Bu barədə bazar ertəsi ARDNŞ-dən məlumat verilib.
Aprel ayında Əhalinin Sosial Müdafiəsi üzrə Dövlət Fonduna 5 906 min manat köçürülüb. Bu, 2006-cı ilin eyni dövrü ilə müqayisədə 1 575 min manat çoxdur.
2006-cı ildə ARDNŞ büdcəyə 734 701 min manat köçürüb. Bu göstərici 2005-cin ildən 189 697 min manat artıqdır. 2006-cı ildə Əhalinin Sosial Müdafiəsi üzrə Dövlət Fonduna 2005-ci ildən 21 587 min manat artıq 51 861 min manat ödənilib.
Azərbaycan Dövlət Neft Şirkətinin büdcə köçürmələrinin cədvəli: (min AZN-lə)
Aylar | 2006-cı il | 2007-ci il | Fərq |
Fakt | Fakt | Fakt(2006-2007) | |
Yanvar | 39 559 | 51 160 | 11 601 |
Fevral | 63 935 | 60 846 | -3 089 |
Mart | 67 621 | 76 972 | 9 351 |
Aprel | 60 146 | 69 621 | 9 475 |
Cəmi | 231 261 | 258 599 | 27 338 |
Əhalinin Sosial Müdafiəsi Dövlət Fonduna köçürmələr | |||
Yanvar-aprel | 14 258 | 22 556 | 8 298 |