Azərbaycan, Bakı /müx. Trend İ.Xəlilova / Yunanıstan, İtaliya və Türkiyə təbii qaz nəqli üçün Cənubi-Avropa dəhlizinin reallaşmasını və fəaliyyət göstərməsini tənzimləyən üçtərəfli dövlətlərarası anlaşma imzalayıblar.
Yunanıstanın inkişaf naziri Dimitris Sioufas qeyd edib ki, bu layihə təkcə üç ölkə və Avropa komitəsi üçün yox, həmçinin Xəzəryanı bölgə və təbii ki, Azərbaycan üçün əhəmiyyət kəsb edir.
"Əməkdaşlığa dair bu gün imzalanan Memorandum Azərbaycanla Yunanıstanın 2012-ci ildə Türkiyə və Yunanıstan vasitəsilə, habelə yunan-italyan sualtı qaz kəməri ilə Azərbaycan qazının Avropa bazarlarına nəqlini gerçkləşdirmək niyyətini təsdiqləyir" - deyə nazir bildirib.
Onun fikrincə, Yunanıstan Asiya ilə Avropa arasında enerji, əməkdaşlıq, inkişaf və sülh körpüsünə çevrilməyə başlayır.
"İyulun 26-da Romada İtaliyanın iqtisadi inkişaf naziri Pyer-Luidji Bersani və Türkyənin energetika və təbii sərvətlər naziri Hilmi Gülər Azərbaycan, Türkiyə, Yunanıstan və İtaliya arasında dördtərəfli dövlətlərarası sazişin imzalanması ilə bağlı təklifi qəbul edtdi. Bu sazişlə Xəzərdən təbii qazın Avropaya nəqlinin detalları tənzimlənəcək. Bu təklif həmçinin Azərbaycanın iqtisadi inkişaf naziri Heydər Babayev tərəfindən qəbul edildi və artıq yaxın günlərdə yunan tərəfi Azərbaycan, Türkiyə və İtaliya hökumətlərinə birbaşa məsləhətləşmələr üçün ilkin layihə göndərəcək" - deyə Sioufas vurğulayıb.