...

Azərbaycanın sığorta şirkətləri bazar potensialından istifadəni genişləndirir

Maliyyə Materials 12 Oktyabr 2020 11:28 (UTC +04:00)
Azərbaycanın sığorta şirkətləri bazar potensialından istifadəni genişləndirir

Trend-i buradan izləyin

Bakı. Fidan Babayeva - Trend:

Azərbaycanın sığorta şirkətlərinin hazırkı vəziyyətdə əsas məqsədi bazarın mövcud potensialından tam istifadə etməkdir.

Bunu Trend-ə Azərbaycan Sığortaçılar Assosiasiyasından deyiblər.

Qeyd olunub ki, bugünkü gün ölkədə sığorta mədəniyyətinin dərinləşdirilməsi və əhali arasında maliyyə savadlılığının artırılmasına tələbat var:

“Bu gün sığorta şirkətlərinin bazarın potensialından tam istifadə edə bilməməsi nəticəsində, arzuolunan inkişaf səviyyəsinə çatmaq alınmır. Bunun üçün uzun yol qət etməliyik. Hazırkı vəziyyətdə sığorta şirkətlərinin əsas məqsədi bazarın mövcud potensialından tam istifadə etməkdir”.

Assosiasiyanın məlumatına görə, hazırda Azərbaycanda 21 sığorta şirkəti fəaliyyət göstərir və onlar müştərilərə 30-40 sığorta məhsulu təklif edir:

“Hazırkı iqtisadi və demoqrafik vəziyyəti nəzərə alsaq, bu, kifayət qədər qənaətbəxş nəticədir. Şirkətlər insanların sığorta məhsullarına marağına nail olmalıdır. Bu nəticəni satışların düzgün strategiyası və sığorta məhsullarının reklam kampaniyalarının reallaşdırılması ilə əldə etmək olar”.

Məqalədə:
Xəbər lenti

Xəbər lenti