Bakı. Trend:
Azərbaycan Mərkəzi Bankı IFC, Dayanıqlı Bankçılıq və Maliyyə Sektoru Şəbəkəsi (SBFN), Beynəlxalq Dayanıqlı Maliyyələşdirmə Platforması (IPSF), BMT-nin İnkişaf Proqramı (UNDP) və BMT-nin Ətraf Mühit üzrə Maliyyə Təşəbbüsünün (UNEP FI) dəstəyi ilə milli taksonomiyaların uyğunlaşdırılması üçün yol xəritəsini təsdiq edib.
Bu barədə Trend-ə Azərbaycan Mərkəzi Bankının baş direktoru Şahin Mahmudzadə məlumat verib.
“Müxtəlif ölkələrdə özünəməxsus taksonomiyalar mövcuddur və onların qarşılıqlı uyğunlaşdırılması üçün yol xəritəsi hazırlanıb. Bu, 110-dan çox ölkənin razılaşdığı və 5 müxtəlif istiqamətdə fəaliyyət nəzərdə tutulan bir yol xəritəsidir. Yol xəritəsi artıq təsdiq edilib və nəticələr Braziliyada müzakirə olunacaq. Ehtimal ki, Braziliyadan sonra əlavə mərhələlər olacaq”, – deyə o bildirib.