Azərbaycan, Bakı / Trend müxbir S.Babayeva/ Oktyabrın 4-6-da İnformasiya Texnologiyaları və Telekommunikasiyaları üzrə 3-cü beynəlxalq elmi-praktiki konfrans keçiriləcək. Bu barədə çərşənbə günü konfransın təşkilat komitəsinin sədr müavini Sakit Verdiyev məlumat verib.
Konfransda Azərbaycanın rabitə və informasiya texnologiyaları naziri Əli Abbasov da iştirak edəcək.
Tədbirin təşkilatçıları Rabitə Nazirliyi, Azərbaycan Texnologiya Universiteti və Gəncənin icra orqanlarıdır.
Konfransın işi dörd hissədən ibarət olacaq, "İnformasiya texnologiyaları", "Təlim və təhsil prosesində informasiya texnologiyaları", "Telekommunikasiyalar" və "Süni intellekt sistemləri".
Konfransın məqsədi alimlər və mütəxəssislərə bu məsələlərlə bağlı təcrübə və son elmi nailiyyətlərin mübadiləsini aparmaq imkanı verməkdir. Görüşün gündəliyinə iqtisadiyyat və sosial sahədə informasiya texnologiyalarının tətbiqi, informasiya texnologiyaları sahəsində son nailiyyətlər və problemlər, informasiya cəmiyyəti üçün kadrların hazırlanması kimi məsələlər daxildir.
Konfransda Azərbaycan mütəxəssisləri ilə yanaşı ABŞ, Ukrayna, İran, Rusiya, Türkiyə, Gürcüstan mütəxəssisləri də iştirak edəcəklər. Konfrans zamanı Moskvanın Mikroelektronika İnstitutu ilə telekörpü yaradılacaq.
