Azərbaycan, Bakı / Trend , müxbir S.Babayeva/ Rabitə və İnformasiya Texnologiyalarının "Aztelekom" İstehsalat Birliyi 1 noyabr 2007-ci il tarixindən 1 fevral 2008-ci il tarixinə qədər bir sıra xidmətlər üzrə tariflərin endirilməsi ilə bağlı endirim kampaniyası elan edib.
Kampaniya çərçivəsində abonentlər CDMA nömrəsini 50% endirimlə əldə edə bilərlər. CDMA nömrəsini əldə etmək üçün potensial abonent artıq 10 manat deyil, 5 manat ödəməlidir.
Bununla yanaşı, "Aztelekom.net"in 5, 20 və 30 saatlıq irternet kartları 50% bonusa malik olacaq.
"Baktelekom" İB- də, həmçinin,,bu dövr ərzində tariflərin endirilməsi ilə bağlı kampaniya elan edib. CDMA şəbəkəsinə qoşulmaq haqqı ,50% olmaqla, 20 manatdan 10 manata endirilib.
Kampaniya rabitə və informasiya texnologiyaları işçilərinin peşə bayramı münasibətilə keçirilir.
CDMA dünyada sürətlə yayılan simsiz texnologiyalardan biridir. 1999-cu ildə Beynəlxalq Telekommunikasiya İttifaqı CDMA-nı "üçüncü nəsil" yeni simsiz texnologiya üçün sənaye standartı seçib.