...

Azərbaycanın iri mobil rabitə operatorunun 2007-ci ildə dövlət büdcəsinə vergi ödəmələri 120 milyon manat təşkil edib

Telekommunikasiya Materials 14 İyun 2008 14:24 (UTC +04:00)

Azərbaycan, Bakı, 14 iyun/ Trend , müxbir S.Babayeva/ Bu gün Azərbaycanda ən iri mobil rabitə operatoru - Azercell Telecom-un 2007-ci ildə dövlət büdcəsinə vergi ödəmələrinin xüsusi çəkisi büdcə gəlirlərinin 2 faizini təşkil edib. Bu barədə şirkətin insan resursları departamentinin rəhbəri Sevda Səlimova məlumat verib. Ötən il Azərbaycanın dövlət büdcəsinin gəlirləri 6 mlrd. manatı ötüb.

"2005-ci ildə Azercell-in vergi ödəmələrinin xüsusi çəkisi dörd faiz, növbəti iki ildə isə iki faiz təşkil edib", - o bildirib.

Onun sözlərinə görə, şirkətin fəaliyyətə başladığı vaxtdan (1996-cı il) Azercell-in Azərbaycanın telekommunikasiya sahəsinə investisiyaları $600 mln. təşkil edib.

Azercell-in şəbəkəsi ərazinin 78 faizini və əhalinin 99 faizini əhatə edir.

Azercell Telecom 1996-cı il yanvarın 19-da birgə müəssisə kimi təsis edilib. İlk təsisçilər Turkcell İletisim Hizmetleri A.S. və Azərbaycanın Rabitə Nazirliyi olub.

Şirkət abunəçilərə sonradan ödəmə əsasında mobil rabitə xidmətləri təklif etməklə 1996-cı il dekabrın 15-də fəaliyyətə başlayıb. 1998-ci ildə öncədən ödəmə sistemi - SimSim tarif planı tətbiq edilib.

Şirkət fevraldan etibarən tam özəlləşdirilmiş şirkət kimi fəaliyyət göstərir. Azercell Telecom-un abunəçilərinin sayı 3,3 mln. nəfərə çatır.

Xəbər lenti

Xəbər lenti