Azərbaycan, Bakı, 01 dekabr/ Trend , müxbir S.Babayev/ Aşağı faiz dərəcələri üzrə uzunmüddətli kreditin verilməsi yolu ilə əhalinin aztəminatlı təbəqələrinin kompüterlə təmin olunmasına yönəlmiş "Xalq kompüteri" layihəsinin maliyyələşdirilməsi xarici borclar hesabına realizə oluna bilər", - Azərbaycanın Rabitə və İnformasiya Texnologiyaları Nazirliyindən bazar ertəsi bildiriblər.
"Maliyyələşdirmə həm hökumət, həm də beynəlxalq təşkilatlar tərəfindən ola bilər. Bu kreditlər, qrantlar ola bilər", - idarədən bildiriblər.
Layihənin realizəsi üçün Rabitə Nazirliyində İntel və Microsoft korporasiyalarının iştirakı ilə xüsusi İşçi qrupu yaradılıb. Korporasiyalar güzəştli əsaslarda lisenziyalı proqram təminatı və zəruri avadanlıq təqdim edəcəklər.
Layihənin son dəyəri hələ müəyyən edilməyib. Dəyər alınması planlaşdırılan kompüterlərin sayından asılı olacaq.
"Layihə artıq hazırdır, İntel və Microsoft isə onun realizəsinə başlamağa razılıq verib", - Rabitə Nazirliyinin rəhbəri Əli Abbasov əvvəllər bildirib.
Onun sözlərinə görə, kreditlərin verilməsi məsələsi hələ ki, həll edilməyib və Azərbaycan hökuməti ilə müzakirə olunur.
Nazir "Xalq kompüteri" layihəsinin realizəsinin 2009-cu ildə başlayacağını proqnozlaşdırır.
İdarənin ilkin hesablamalarına görə, bu gün Azərbaycanda hər 100 nəfərə 3-4 kompüter düşür. Yeni layihə uğurla realizə olunarsa, bu rəqəmi beş dəfədən çox artırmaq mümkün olacaq.
Müəlliflə əlaqə saxlamaq üçün elektron ünvan: [email protected]