Azərbaycan, Bakı, 26 yanvar/ Trend , müxbir S.Babayeva/ Azərbaycan Özbəkistan və Tacikistanla MTF/STEFI sistemi üzrə sınaq poçt pul köçürmələrinə başlayıb, - ölkənin Rabitə və İnformasiya Texnologiyaları Nazirliyindən bazar ertəsi bildiriblər.
"Bu ölkələrin poçt administrasiyaları ilə sazişlər bir neçə il əvvəl imzalansa da, onlar texniki baxımdan sınaq pul köçürmələrinə yalnız bu günlərdə başlaya biliblər", - idarədən qeyd ediblər.
STEFI (Secured Transfer of Electronic Financial Information) Ümumdünya Poçt İttifaqının pul köçürmələri sistemidir.
Rabitə Nazirliyindən bildiriblər ki, sınaq mübadilə uğurla keçərsə, Tacikistan və Özbəkistanla real pul köçürmələrinə artıq martın 1-dən başlamaq olar.
Azərbaycan artıq МТF/STEFI sistemi üzrə Rusiya, Moldova, Belarus, Ukrayna, Qazaxıstan, Birləşmiş Ərəb Əmirlikləri ilə pul köçürmələrini həyata keçirir. Perspektivdə Estoniya ilə də bu əməliyyatları tətbiq etmək planlaşdırılır.
Müəlliflə əlaqə saxlamaq üçün elektron ünvan: [email protected]
