Azərbaycan, Bakı, 06 may / Trend , müxbir S.Babayeva /
"Birinci rübdə Naxçıvan Muxtar Respublikasında (NMR) 6,6 mln. manatlıq rabitə xidməti göstərilib ki, bu da 2008-ci ilin analoji dövr göstəricisinə nisbətən 25,6 faiz çoxdur", - NMR-in Bakıdakı daimi nümayəndəliyindən çərşənbə günü bildirilib.
84 faiz və ya təxminən 5,5 milyon manatlıq rabitə xidməti özəl şirkətlərin payına düşüb. Artım 35,1 faiz təşkil edib.
NMR-in Rabitə və İnformasiya Texnologiyaları Nazirliyi rabitə sahəsində 1,06 mln. manatlıq xidmət göstərib və 690 ədəd telefon xətti salınıb.
Naxçıvan Muxtar Respublikası Azərbaycanın qərbində yerləşir. Şimalda və şərqdə Ermənistanla, qərbdə və cənubda Türkiyə və İranla həmsərhəddir. NMR-in ümumi sahəsi 5,5 min kv.km, əhalisinin sayı 360 min nəfərdən çoxdur. Muxtar Respublikanın paytaxtı Naxçıvan şəhəridir.
Məqalə müəllifi ilə əlaqə ünvanı: [email protected]