Azərbaycan, Bakı, 25 avqust / Trend , müxbir H.Vəliyev /
"Azərbaycanın ən böyük mobil rabitə operatoru "Azercell Telecom" MMC-nin şəbəkəsində SonyEricsson şirkətinin PlayNow innovasiya xidməti istifadəyə verilib", - Trend -a SonyEricsson-un Azərbaycandakı rəsmi nümayəndəliyindən deyilib.
PlayNow xidməti SonyEricsson mobil telefonlarında menyu bəndlərindən biridir. Onun köməyi ilə lisenziyalı kontentin realizəsi həyata keçirilir.
PlayNow web-brauzerdən istifadə etmədən kontent yükləmək imkanı verən dinamik web-qoyuluşdur. PlayNow xidməti böyük sayda musiqi kompozisiyaları, oyunlar, mövzular və rinqtonların yerləşdiyi şəbəkə bazasıdır. Kontentin yüklənməsi zamanı pul vəsaitləri (konturlar) mobil telefonun hesabından çıxılır.
Şirkətdən deyilib ki, PlayNow resursunun işə buraxılışı SonyEricsson şirkəti və Playfon beynəlxalq multimaedia əyləncələri provayderi arasındakı tərəfdaşlıq çərçivəsində həyata keçirilib. PlayNow xidmətindən "Azercell Telecom"-un bütün abunəçiləri yararlana bilər.
Servis TrackID funksiyasını da dəstəkləyir. Bu xidmət diktofona yazılan musiqi parçasına əsasən onun ifaçısı və albomunu müəyyən etmək imkanı verir.
Məqalə müəllifi ilə əlaqə ünvanı: [email protected]
