Azərbaycan, Bakı, 03 sentyabr / Trend , müxbir Q.Vəliyev /
Rusiyanın TransTelekom (TTK) və Azərbaycanın Delta Telecom şirkətləri Yaxın Şərq ölkələrinə girişin təchiz edilməsinə imkan verən tranzit tutumların verilməsi üzrə danışıqlar aparır. Bu barədə TransTelekom-un məlumatında deyilir.
TTK-nın məlumatına əsasən, hazırda Delta Telecom şirkətinin beynəlxalq İnternet seqmentinə giriş kanalının 2,5 Qbit/s-ə kimi genişləndirilməsi üzrə işlər başa çatıb. DWDM (Dense wavelength division multiplexing) texnologiyaları üzrə şəbəkələrarası qovuşmanın 10 Qbit/s səviyyəsində təşkili layihəsi də tamamlama mərhələsindədir.
TTK və Delta Telecom şirkətləri iki ildir ki, əməkdaşlıq edir. 2008-ci ilin avqustunda TTK Rusiya-Azərbaycan sərhədinin Samur-Yalama keçidində IP-Access xidmətlərinin göstərilməsinə başlayıb.
Məqalə müəllifi ilə əlaqə ünvanı: [email protected]
