Azərbaycan, Bakı, 12 oktyabr / Trend , müxbir H.Vəliyev /
Son doqquz ay ərzində Dövlət Radiotezliklər İdarəsi (DRİ) tərəfindən qeydiyyatdan keçməyən təxminən 1070 radioelektron vasitə (REV) aşkar edilib, bu barədə DRİ-nin məlumatında deyilir.
Hesabat dövrü ərzində DRİ tərəfindən 405 müəssisə və təşkilata texniki baxış keçirilib.
Aşkar olunan REV-in ümumi sayından 630-u qeydiyyatdan keçib, 167-si möhürlənib, 253 REV-in qeydiyyatdan keçirilməsi üçün işlər görülür və 20 REV istismara yararsız hesab olunub.
DRİ-nin planına əsasən, monitorinqlər "Azərbaycan Dəmir Yolları" QSC , Dövlət Gömrük Komitəsi, Teleradio İB, həmçinin paytaxtın telekommunikasiya qovşaqlarında keçirilib.
İdarənin məlumatına əsasən, REV-lərin qanunsuz istifadəsi ilə əlaqədar 121 müəssisə və təşkilata protokol tərtib edilib. Protokollar əsasında müvafiq tədbirlər görülür.
Məqalə müəllifi ilə əlaqə ünvanı: [email protected]