Azərbaycan, Bakı, 11 noyabr / Trend , müxbir H.Vəliyev/
Rabitə administrasiyasının və RRB-yə üzv olan müstəqil tənzimləmə orqanlarının nümayəndələri istehlakçıların müdafiəsi və rabitə xidmətlərinin keyfiyyəti, universal xidmətlər fondunun istifadəsi və tətbiqi, nömrələmə resurslarının ödənilməsi və xidmətlər bazarının inkişafı məsələlərini gözdən keçiriblər. Bu barədə Rabitə sahəsində Regional Birlikdən (RRB) verilən məlumatda deyilir.
Bu məsələlərə keçən həftə Kiyevdə keçirilən RRB-nin Rabitə sahəsində tənzimləmə fəaliyyətinin koordinasiyası üzrə komissiyasının III iclasında baxılıb.
İclasda Azərbaycan, Ermənistan, Qazaxıstan, Qırğızıstan, Moldova və Rusiyadan RRB-yə üzv olan müstəqil tənzimləmə orqanlarının və rabitə administrasiyasının nümayəndələri və RRB-nin İcraiyyə komitəsi iştirak edib. Özbəkistanın rabitə administrasiyasından, Ukraynanın milli tənzimləmə komissiyasından, MDB dövlətləri üçün BRİ zona şöbəsindən və ABŞ-ın Telcordia şirkətindən nümayəndələr də dəvət edilib.
Telcordia şirkəti tərəfindən nömrələrin köçürülməsinin tətbiqinə hazırlıq üzrə mobil rabitə operatorları və tənzimləyici orqanların lazımi fəaliyyətini əks etdirən nömrələrin köçürülməsi imkanlarının uğurlu tətbiqinə dair tövsiyyələr mövzusunun təqdimatı keçirilib.
Azərbaycanın rabitə administrasiyası Ukraynada "Elektrorabitə bazarının inkişafının tənzimlənmə mexanizmləri, proqnozlaşdırılması və analizi" mövzusunda Beynəlxalq Rabitə İttifaqı (BRİ) və Rabitənin tənzimlənməsi üzrə milli komissiyanın təşkil etdiyi seminarda da iştirak edir.
Seminar zamanı Ukrayna, Bolqarıstan, Qırğızıstan və Özbəkistanın tənzimləmə orqanları tərəfindən ex-ante tənzimləmə üçün telekommunkasiya xidmətləri bazarının müəyyənləşdirilməsi məqsədilə tənzimləmə orqanları tərəfindən tətbiq edilən NGN texnologiyasının tətbiqi zamanı telekommunikasiya xidmətləri bazarının tənzimlənməsi perspektivləri və imkanları, telekommunikasiya bazarlarında xidmətlərin keyfiyyətinə hazırlığın həyata keçirilməsi və s. prosedur və kriteriyalara toxunan məruzələr təqdim edilib.
Məqalə müəllifi ilə əlaqə ünvanı: [email protected]